CALATHI

CALATHI

apud Martialem l. 14. Epigr. 107. cui hoc lemma est,

Nos Satyrus, nos Bacchus amat, nos ebria tigris,

Perfusos dominilambere docta pedes:

Calices vinarii sunt, quos in Bacchi sacris adhiberi consuevisse, discimus, ex Virgilio Eclogâ 5. v. 69.

Et multo inprimis hilarans eonvivia Baccho,

Ante focum, si frigus erit: si messis in umbra.

Vina novum fundam calathis Arvisia nectar.

Alias idem cum quasillo calathus; quem de floribus idem usurpat, Ecl. 2. v. 46.

---- ---- ---- tibi lilia plenis

Ecce ferunt Nymphae calathus.

De caseis Georgic. l. 3. v. 402.

Quod surgente die mulsêre horisque diurnis,

Nocte premunt: quod iam tenebris et sole cadente,

Sub lucem exportant calathis.

De lana, Aeneid. l. 7. v. 805.

----- Non illa colo calathisque Minervae

Femineas assueta manus, etc.

In nuptiis apud Athenienses, puerum egregiâ formâ et insigniter ornatum, cum calatho omnis generis dilitiosis fructibus pleno, triclinium ingredi et exclamare solitum coram Neogamis, ἔφυγον κακὸν, εὗρον ἄμεινον, Effugi malum, inveni melius, legimus: qua de re infra aliquid ubi de Nuptialibus ritibus. Mysteriorum vero die, in eadem civitate a iugo boum quasillum seu calathum vehi consuevisse, dicemus ubi de mense Septembri. Apud Catullum, Epigr. 65. v. 319. virgati dicuntur Calathi, quod virgis viminibusque conficerentur etc. Apud Ovidium descriptione frosae, calathi idem, quod calices aliis,

------ prima dies ostendit spicula florum,

Altera pyramidas nodô maiore tumentes,

Tertia iam calathos.

Sic Plin. l. 21. c. 5. de lilio, Candor eius eximius, foliis foris striatis, et ab angustiis in latitudinem paulatim sese laxantibus effigie calathi, resupinis per ambitum labris. Nempe a similitudine calicum, τῶ κηλύκων, vasorum, quibus bibitur, qui et calathi, utrumque vocabulum ad flores transsatum est. Salmas. ad Solin. p. 102. Hinc Καλαθίνη, nomen Melitaeae catellae, apud Adaeum, quod in calatho seu quasillo circumferrentur, vide infra Melitaei catelli: et Καλαςθισμὸς, saltationis species cum calatho seu canistro, apud Iul. Caes. Scaligerum, Poetic. l. 1. c. 18. Vide quoque infra Quasillariae.